ചെമ്പരത്തി.

നാട്ടിലേട്ടന്റെ തോട്ടത്തിലെന്നും പൂക്കളുണ്ടു.

വിരുന്നുണ്ണാനെത്തുന്ന പൂമ്പാറ്റകളൂം!

ചെംചോര കുടിച്ച പോലെ ചുവന്ന ചെമ്പരത്തി

നിന്നെകണ്ടു മോഹിച്ചെന്‍പെണ്ണൊരുത്തി,

കൊണ്ടുവന്നൊരു കമ്പ്

നാട്ടി ചട്ടിയില്‍ ,

നീര്‍ നനച്ചോമനിച്ചോമനിച്ചു.

മൊട്ടിട്ടു,പൂവിട്ടു പൂത്തു കാണാന്‍

കാത്തു നാളേറെ കരുതലോടെ.

ഇന്നലെ കാലത്തെഴുന്നെറ്റു

കണ്ടതാം കൌതുകം

എന്നെയും കാണിച്ചു, കാത്തുവച്ചു,

ഇന്നേക്കു നന്നായ് വിരിയുമല്ലോ!!

കാലത്തു കേട്ടതല്ലറചില്ലറ

കോലാഹലം

കാണൂവാനില്ലവളരുമയായ്

കാത്ത ചെമ്പരത്തി.!!!

ആരിതീ പാതകം ചെയ്തതീ-

യതിരാവിലേ ?

നോവാതിരിക്കുമോ ആരാകിലും?!