ഒരു നിശാഗീഥം

സായന്തനം കഴിഞ്ഞീവഴിയെത്തി

രാവാരാരുമറിയതെയീനിലാവിന്‍

നേര്‍ത്ത വസ്ത്രാഞ്ചലം ചുറ്റി.

കണ്മിഴിച്ചാരെ നോക്കുന്നു നക്ഷത്രകുഞ്ഞുങ്ങള്‍,

ചാരെ ചരിക്കുന്നമ്പിളി ക്കലക്കീറിനും പുഞ്ചിരി.

മാഞ്ഞകന്നില്ലാതാവുന്ന മഴ മേഘരാശി.

കുളിര്‍തെന്നലോടി വന്നെത്തി പറഞ്ഞതേതു കിന്നാരം.

ചിരിമണികളുതിര്‍ക്കുന്നുവല്ലോയരിമ്മുല്ലയിലകളും.

ഈ രാവിനെകാത്തല്ലൊ നമ്മളും,

പകലിന്‍ പാളങ്ങളില്‍ പാഞ്ഞതും.

നിഴലലിഞ്ഞെങ്ങോ മാഞ്ഞയീ

നിശയിലിനിയഴലും മാഞ്ഞലിയട്ടെ.

ഇന്നീരാത്രിയിലണയാതിരിക്കട്ടെ-

യാനന്ദനാളങ്ങള്‍ നിങ്ങളില്‍.