Sunday, December 9, 2007

ഒരു നാട്ടില്‍പ്പോക്ക്...! എന്ന കവിതക്കു ഒരു കമെന്റ്

ഒരു നാട്ടില്‍പ്പോക്ക്...!

പോയ്‌വരൂ...,
പത്തറുപതു
ദിനരാത്രങ്ങളിനിയുണര്‍വിന്റെ
പവിഴമല്ലിപൂക്കളാക്കൂ.

പാടവരമ്പിലൂടേയന്തി
വെളീച്ചത്തിലൊരു
മിന്നുവെളിച്ചമായ്‌
മുരടനക്കി യെത്തു
മൊരുകൂട്ടുകാരന്‍,
നേര്‍ത്തൊരൊച്ചയാല്
‍ചോദിച്ചിടാംനീയെന്നു വന്നു?

ഇന്നെത്തിയെന്നുത്തരം
തേടുവതിനിടയിലോര്‍ക്കുമാ
പഴയ ഗാഥകള്‍!
അവനുമൊന്നിച്ചൂരു
ചുറ്റിയപഴയകാല കഥകള്‍്‌

ദൂരെ നീ വാഴ്വിന്റെ കണക്കില്‍,
സൂത്രവാക്യങ്ങളൊന്നിച്ചു
പടപൊരുതി ജയിച്ചിന്നുന്‍-
മത്തനായി തിരിച്ചെത്തി.
അവനോ,
നിഴലു പോലൊട്ടി പിടിച്ചൊരാ,
പ്രാരാബ്‌ദ നദിയുടെ നെന്ചിനു
കുറുകേ ജീവിത തോണി
തുഴഞ്ഞ-വശനായവന്‍


വഴിപഥങ്ങളില്‍,
പാഥേയപ്പൊതി
പകുത്തെടുത്തു-
ണ്ടോരാപകല്‍
നീയവനേകിയ
വാഗ്‌ദാനം
മറക്കതിരിക്കുക.


പോവുക.,
പത്തറുപതു
ദിനരാത്രങ്ങളിനിയുണര്‍വിന്റെ
പവിഴമല്ലിപൂക്കളാക്കുക.

Malayalam Type

Type in Malayalam (Press Ctrl+g to toggle between English and Malayalam)